Forsíða / Um Fanntófell

Um Fanntófell

Við höfum framleitt borðplötur síðan 1987. Fanntófell sérhæfir sig í smíði á borðplötum, sólbekkjum, salernisskilrúmum, skápahurðum og innréttingum, allt eftir óskum hvers og eins.

Sérsmíðað eftir pöntun

Sérsvið okkar var lengi formbeyging (e. postforming) á harðplasti en jafnframt framleiðum við plötur úr límtré, Fenix NTM og akrýlsteini. Hráefnið sem við smíðum úr er allt af miklum gæðum: slitsterkt og hitaþolið HPL-harðplast, gegnheill akrýlsteinn frá Hi-macs og Getacore og besta fáanlega límtré hverju sinni.

Við framleiðum fyrir

Arkitekta
Hönnuði
Verktaka
Innréttingaframleiðendur
Einstaklinga

Sagan í fermetrum

Úr 180 fermetrum í Reykholti í 1975 fermetra að Gylfaflöt.

1987
Reykholt í Borgarfirði
Þórir Jónsson og Sigurður Bragi Sigurðsson stofna Fanntófell. Framleiðslan er fyrstu árin í 180 fermetra húsnæði í Reykholti.
180 m²
1990
Kópavogur
Framleiðslunni var vel tekið og til að mæta aukinni eftirspurn flytur félagið til höfuðborgarinnar, í 300 fermetra leiguhúsnæði í Kópavogi.
300 m²
1995
Bíldshöfði 12
Fljótlega var komin þörf fyrir stærra húsnæði og Fanntófell flytur í 500 fermetra á Bíldshöfða 12.
500 m²
2016
Bíldshöfði 12
Rýmið var stækkað í áföngum og fyrirtækið var komið í um 1000 fermetra á sama stað.
1000 m²
Í dag
Gylfaflöt 6–8
Í dag er öll starfsemin í 1975 fermetra húsnæði sem við byggðum og sérútbjuggum að Gylfaflöt 6–8.
1975 m²

Svansvottun

Fanntófell hefur fengið afhent Svansleyfi, fyrst íslenskra framleiðenda, fyrir innréttingu, nánar tiltekið borðplöturnar Fenix NTM, Arpa og Duropal. Þetta er fyrsta Svansleyfið sem gefið er út hér á landi í viðmiðunum fyrir húsgögn og innréttingar.

Á síðustu árum hefur verkefnum sem fara eftir nýbyggingar- og endurbótaviðmiðum Svansins fjölgað gífurlega og eftirspurn eftir vottuðum byggingarvörum aukist á sama tíma.

Þegar innréttingar og húsgögn eru vottuð þurfa þau að uppfylla strangar kröfur Svansins. Meðal annars eru skoðuð þau efni sem notuð eru í framleiðsluferlinu, umbúðir, rekjanleiki og ábyrgð framleiðanda. Vörurnar eru einnig gæðaprófaðar, til dæmis með tilliti til styrkleika og slitþols.

Leyfi Norræna umhverfismerkisins nr. 1031 0159, samkvæmt viðmiðunarreglum 031 Húsgögn og innréttingar.