Þjónusta

Við tökum mál, veitum ráðgjöf og setjum upp borðplötur og innréttingar fyrir einstaklinga og fyrirtæki.

Uppsetningarþjónusta

Við tökum að okkur að mæta á staðinn. Við tökum mál, veitum ráðgjöf og setjum upp borðplötur og innréttingar fyrir einstaklinga og fyrirtæki.

Hafðu samband í síma 587 6688 eða á fanntofell@fanntofell.is fyrir nánari upplýsingar.

Prentaðu út leiðbeiningar og sendu okkur. Við svörum fúslega spurningum sem þú kannt að hafa.

Teiknaðu skýringarmynd
Prentaðu út verkbeiðnina og teiknaðu inn á hana skýringarmynd með upplýsingum um efnisval og mál.
Verkbeiðni (PDF)
Öll mál eru utanmál
Mikilvægt er að öll mál séu utanmál, eins og sést á sýnishorni af teikningu í leiðbeiningunum. Vinnið pantanir skýrt og greinilega til að forðast mistök.
Hvernig á að panta (PDF, 0,43 MB)
Sendu okkur skjalið
Sendu skjalið skannað í tölvupósti á fanntofell@fanntofell.is, eða fylltu út beiðni um tilboð hér á vefnum.

Við dagleg þrif á borðplötum er best að nota trefjaklút og vatn. Hér eru leiðbeiningar fyrir hvert efni.

Rakur trefjaklútur eða rakur svampur er bestur við dagleg þrif. Forðist óhóflega notkun á feitu hreinsiefni eins og uppþvottalegi.
Ef sápu- eða fituleifar sitja eftir á plötunni er auðvelt að ná þeim af með mildu spreyi sem ætlað er á eldhúsbekkplötur.
Forðist ætandi hreinsiefni, hreinsiduft með kornum og stálull. Þau geta mattað og rispað yfirborðið.
Erfiðustu blettina má þrífa með til dæmis þynni, en gætið þess að hann sitji ekki lengi á plötunni og þrífið allar leifar vel af með vatni.

Við dagleg þrif er best að nota trefjaklút og vatn.
Erfiða bletti má meðhöndla með því að láta blöndu af hreinsiefni og vatni liggja á blettinum í smá tíma og hreinsa hana síðan af með svampi og hreinu vatni.
Bletti sem hafa legið lengi, til dæmis eftir djús, te, kaffi og rauðvín, má þrífa af með töfrasvampi eða tannkremi.
Rispur og skemmdir má fægja af.

Efnið er einstaklega auðvelt í umhirðu og krefst ekki sérstakra hreinsiefna í daglegri umhirðu.
Vegna þess hve efnið er lokað hrindir það frá sér myglu og hefur bakteríudrepandi eiginleika.
Litlar rispur má eyða með hita.
FENIX vaska er best að þrífa með mjúkum klút eða svampi og mildu hreinsiefni. Skolið með volgu vatni og þurrkið með mjúkum klút.

Þegar olía er borin á borðplötuna verður hún að vera alveg hrein og þurr. Berið olíuna á með klúti, svampi eða pensli.
Látið olíuna standa í um það bil 20 mínútur og þurrkið þá alla umframolíu af með hreinum klúti, sérstaklega úr samskeytum.
Þurrkið yfir með þurrum bómullarklúti. Það lokar yfirborðinu betur og gefur glans.
Gott er að bera á borðplöturnar 2–3 sinnum á ári eða eftir þörfum.
Athugið: þurrkum og klútum sem mettaðir eru af olíu þarf strax að farga í innsigluðum ílátum eða brenna þá vegna hættu á sjálfíkveikju. Fylgið leiðbeiningum framleiðanda.

Aldrei má skera á borðplötunum sjálfum. Notið viðurkennd skurðarbretti.
Borðplötuefnin okkar eru mjög hitaþolin en betra er að setja heita potta, pönnur og tæki sem gefa frá sér stöðugan hita á hitahlíf.
Gott er að setja gufuvörn undir borðplötuna fyrir ofan uppþvottavél til að vernda plötuna fyrir raka.
Uppþvottalögur inniheldur mikla fitu sem getur skilið eftir ský eða tuskuför á plötum.
Kísill er þrifinn af borðplötum með ediki eða sítrónusýru og síðan hreinsaður af með svampi og hreinu vatni.
Tryggja þarf að borðplötur komist ekki í stöðuga snertingu við sterk kemísk efni eins og acetone, terpentínu, klór, ofnahreinsi og stíflueyði. Slík efni matta yfirborðið.

Við seljum líka Micare, náttúrulegar hreinsivörur fyrir harðplast, akrýlstein og viðarborð.